Атырау облысында Нұрлан Ермекбаевтың төрағалығымен өңірлерді дамыту мәселесіне арналған кеңес өтті

None
None
АСТАНА. ҚазАқпарат - Қазақстан Республикасы Президентінің көмекшісі - Қауіпсіздік кеңесінің хатшысы Нұрлан Ермекбаевтың төрағалығымен Атырау облысында кеңес өтті. Бұл туралы ҚазАқпарат Ақорданың баспасөз қызметіне сілтеме жасап хабарлайды. 

Биылғы 18 сәуірде Атырау қаласында Президенттің көмекшісі - Қазақстан Республикасы Қауіпсіздік Кеңесінің хатшысы Н.Ермекбаевтың төрағалығымен өңірдің дамуына және қауіпсіздікке қатысты мәселелер жөнінде кеңес өтті.

Жиынға Атырау облысының әкімі Н.Ноғаев, орталық және жергілікті атқарушы органдардың, жетекші мұнайгаз кәсіпорындардың басшылары қатысты.

Кеңес барысында ұлттық қауіпсіздіктің басым міндеттерін іске асыру аясындағы облыстың орнықты дамуының өзекті мәселелері қаралды.

Атап айтқанда, мұнай-газ инфрақұрылымы нысандарының қорғалу жай-күйі және экологиялық қауіпсіздіктің түрлі мәселелері талқыланды.

Балық ресурстарын заңсыз өндіру мен контрабандаға қарсы іс-қимылды күшейту, сондай-ақ мұнай мен мұнай өнімдерін ұрлау және олардың заңсыз айналымын тоқтату, діни экстремизмнің алдын алу мәселелері қарастырылды.

Іс-шара нәтижесінде аталған мәселелер бойынша нақты ұсыныстар айтылып, орталық және жергілікті атқарушы органдарға тапсырмалар берілді.

Соңғы жаңалықтар