Атырау облысында бір тәулікте 5 гектар жайылым жанып кетті

АТЫРАУ. ҚазАқпарат - Атырау облысында тәулік ішінде 5 гектар жайылым өртеніп кетті, деп хабарлады «ҚазАқпарат» ХАА тілшісі.

«Индер ауданында дала өрті 21 шілдеде күндіз аудан орталығынан 10 шақырым жерде басталды. 19.34-те ауыздықталды. Осы уақыт ішінде 5 гектар жарамды жер жанып кетті», - деп хабарлады ТЖД.

Еске салсақ, кей жерлерде 40 градусты көрсетіп тұрған Атырау облысында  дала өрттері маусым айында басталған. Индер және  Қызылқоға аудандарында  60 гектардан астам жайылым, пішен өртеніп кетті.