Атырау облысында бекіре және шоқыр балықтарын аулаған браконьерлер ұсталды

АТЫРАУ. ҚазАқпарат - Бүгін Атырау облысында Каспий теңізінде орман шаруашылығы және жануарлар әлемі инспекциясының қызметкерлері 304 бекіресі мен шоқыр балықтары бар браконьерлерді ұстады, деп хабарлайды «ҚазАқпарат» ХАА тілшісі. 

«Исатай ауданы Жамбай кентінің маңында екі қуатты шетелдік моторы бар браконьерлік мақсатқа пайдаланылған қайық ұсталып, одан 304 дана бекіре және шоқыр балықтары тәркіленді. Балықтардың барлығының дерлік әлі толық жетіле қоймаған», - деп хабарлады орман шаруашылығы және жануарлар әлемі инспекциясының басшысы Данияр Баймағамбетов.

«Тәркіленген балықтардың салмағы 1 тонна 89 келіні құрайды. Ұсталған төрт браконьер де Жамбай кентінің тұрғындары болып шықты - үшеуінің жасы 26-да және біреуі 24-те. Оларды Дамбы кентінің инспекция бөліміне алып кетті. Екі моторы бар қайық «Арнайы автобаза» ЖШС аумағына жеткізілді», - деді инспекция басшысы.

Браконьерлік фактісі бойынша тергеу жұмыстары басталды.