03:02, 21 Шілде 2017 | GMT +6
Атырау облысында алты бала Жайық өзеніне ағып кетті
АТЫРАУ. ҚазАқпарат - Атырау облысында наурыз айынан бері Жайық өзеніне алтыншы бала ағып кетті, деп хабарлайды ҚазАқпарат тілшісі.
20 шілде күні Махамбет ауданының Береке кентінде Жайық өзенінен 8 жасар баланың денесі шығарылды. Ол суға шомылу кезінде батып кеткен.
«Оқиға орнында жеке құрамның 16 адамы жұмыс істеді, 4 қайық жұмылдырылды. Баланың денесі 20 шілде күні табылды», - деп хабарлады ҚР ІІМ ТЖК «Батыс өңірлік аэроұтқыр жедел-құтқару жасағы» мемлекеттік мекемесі судан құтқару бөлімінің бастығы Самат Құмашев.
Бұл көктемнен бері Жайық өзеніне ағып кеткен алтыншы бала.