13:33, 17 Желтоқсан 2017 | GMT +6
Астанада журналистер арасында шағын футболдан турнир өтуде
АСТАНА. ҚазАқпарат - Бүгін «Егемен Қазақстан» газетінің 98 жылдығына жəне Тəуелсіздіктің 26 жылдығына орай елордадағы «Астана Арена» спорт кешенінде БАҚ өкілдері арасында шағын футболдан «Egemen-Cup» турнирі басталды, деп хабарлайды ҚазАқпарат тілшісі.
Жарысқа жалпы БАҚ өкілдерінен құралған 18 команда қатысуда. Соның ішінде ҚазАқпарат халықаралық ақпарат агенттігінің командасы да бар.
Жарыстың ашылу салтанатына «Егемен Қазақстан» газетінің басқарма төрағасы Дархан Қыдырәлі сөз сөйлеп, турнирді бастап берді. Сондай-ақ ашылу салтанатына бірқатар БАҚ басшылары да қатысып, ойыншыларға сәттілік тіледі.
Тура қазір алаңда «Егемен Қазақстан» газеті мен «Еуразия» арнасының, egemen.kz пен «24 Хабар» арнасының, dixinews.kz сайты мен «Ақмешіт» газетінің командалары ойнап жатыр.
Суреттерді түсірген Ерлан Омар