Астанада Төтенше жағдай режімі алынып тасталды

АСТАНА. ҚазАқпарат - Астанада табиғи сипаттағы төтенше жағдай режімі алынып тасталды, деп хабарлайды ҚазАқпарат тілшісі.

«Кеше ауа райының күрт нашарлауына байланысты Астана әкімі Әсет Исекешевтің шешімімен төтенше жағдай жарияланды, шешім бір күнге қабылданды. Бүгін ТЖ режімі алынып тасталды», - деп мәлім етті әкімнің баспасөз хатшысы Элвира Жүргенбаева тілшілерге.  

Бұған дейін елорда әкімдігі қалада болған боранның салдары мен келген шығындарға қатысты мәлім еткендігін жазған болатынбыз.