Астанада паралимпиадалық жүзу және пауэрлифтингтен ӘЧ жүлдегерлерін күтіп алды

АСТАНА. ҚазАқпарат - Астана әуежайында паралимпиадалық жүзу және пауэрлифтингтен әлем чемпионаты жүлдегерлерін зор құрметпен күтіп алды, деп хабарлайды «Штаттағы ұлттық командалар және спорттық резерв дирекциясы» РМҚК баспасөз қызметі.

Еске сала кетсек, 9 желтоқсанда Мексикада паралимпиадалық жүзу және пауэрлифтингтен әлем чемпионаты мәреге жеткен болатын. Қазақстан спорты тарихында тұңғыш рет біздің саңлақтарымыз 2 алтын, 3 күміс және 1 қола медаль алды.

Зульфия Габидуллина мен Наталья Звягинцева паралимпиадалық жүзуден әлем чемпиондары болды. Ал Андрей Афанасьев «қоламен» оралды.