17:35, 26 Наурыз 2017 | GMT +6
Астанада «Не? Қайда? Қашан?» зияткерлік ойыны бойынша ҚР чемпионаты өтіп жатыр
АСТАНА. ҚазАқпарат - Астанада «Астана» халықаралық қаржы орталығының қолдауымен «Не? Қайда? Қашан?» зияткерлік ойыны бойынша ҚР VII чемпионаты өтіп жатыр.
«Турнирге Астана, Алматы, Қарағанды, Павлодар, Өскемен қалаларынан 28 команда қатысады. Турнирде 6 турда 72 сұрақ ойнатылады. «Не? Қайда? Қашан?» бойынша негізгі турнирден басқа үздік ойыншылар мен командалар «Өз ойыны», «Брейн-ринг» бойынша Қазақстан чемпионаттарындағы күштермен бақ сынасады», делінген хабарламада.
Турнир жеңімпазы осы жылы Астанада өтетін «Не? Қайда? Қашан?» әлем чемпионатында ел намысын қорғайды.
Әділқазы, комитеттің тең төрағасы - Азизбек Юсуфов. Апелляциялық әділқазы мүшесі, чемпионаттың құрметті қонағы - Александр Рубин. Ол «Не? Қайда? Қашан?» клубтарының халықаралық қауымдастығының вице-президенті. Клубтың «Хрусталь үкі» сыйлығын иеленген.