Астанада «Думан» ОСО маңында көлік өртенді

АСТАНА. ҚазАқпарат - Елордадағы «Думан» ойын-сауық орталығының қарама-қарсы бетінде «Мерседез бенз» көлігі өртенді, деп хабарлайды «ҚазАқпарат» ХАА ҚР ІІМ Төтенше жағдайлар комитетінің ресми өкілі Руслан Иманқұловқа сілтеме жасап.

«16 ақпанда сағат шамамен 17:26 кезінде «101» қызметіне «Думан» ойын-сауық орталығының қарама-қарсы бетінде «Мерседес бенц» көлігінің отқа оранғаны туралы хабар келіп түсті. Оқиға орнына өрт сөндірушілер келіп, көліктің салоны мен багажы отқа оранғанын анықтады», - деп хабарлайды Руслан Иманқұлов.

Өрт сөндірушілер көп өтпей тілсіз жауды ауыздықтаған. Өртті сөндіруге жеке құрамнан 1 адам мен 2 арнайы техника жұмылдырылды.

«Зардап шеккендер мен жарақат алғандар жоқ. Өрт сағат 17:34 кезінде толық сөндірілді. Тілсіз жаудың шығу себебі анықталып жатыр», - делінген хабарламада.