Астанада 6 әуе рейсі тоқтатылды

АСТАНА. ҚазАқпарат - Нұрсұлтан Назарбаев халықаралық әуежайында бірқатар рейс кешігіп жатыр, деп хабарлайды ҚазАқпарат тілшісі.

Онлайн-табло ақпаратына сүйенсек, Астана уақытымен сағат 10:27-де Астанаға ұшып келуі тиіс Air Astana KC 851 Алматы, Air Astana KC 334 Қызылорда және Scat DV 756 Тараз ұшақтары уақытша тоқтатылған.

Одан бөлек, Астанадан Алматыға (Air AstanaKC 852), Жезқазғанға (Scat DV 711) және Таразға (Scat DV 755) ұшу рейстері кейінге шегерілді.

Тоқтату уақыты 1-12 сағатты құрайды.