Ауа райы
Астана 24 °С
Алматы 21 °С
валюта бағамы
USD 326.88
EUR 364.90
RUB 5.47
CNY 47.85

Астана талапкерлері үшін ҰБТ-ның бірінші күні қалай өтті

 Астана талапкерлері үшін ҰБТ-ның бірінші күні қалай өтті
2017 жылғы 20 маусым 15:23 967

АСТАНА. ҚазАқпарат - Астанада биылғы Ұлттық бірыңғай тестілеудің бірінші күні өтті, деп хабарлайды ҚазАқпарат.

Ағымдағы жылы талапкер атанғандар өзінің өміріндегі алғашқы маңызды тестілеу жайында пікірлерімен бөлісті. Әлібек Армидің пайымынша, тест тапсыру аса қиындық тудырмаған екен.

«Тестілеу қиын деп айта алмаймын, барлық сұрақтар таныс болды. Қателікке жол бергім келмегендіктен, жауаптарымды қайта-қайта тексердім, сондықтан сынақты ұзақ тапсырдым. Жөнсіз сұрақтар кездеспеді. Менің ойымша, 100-ден астам балл жинай алдым», - деп сенімді болашақ студент.

Астана талапкерлері үшін ҰБТ-ның бірінші күні қалай өтті

Дәл осындай пікірді Мәлика Сарина есімді талапкер де ұстанып отыр. «Бүгінгі тестілеуден еш қиғалған жоқпын», - дейді ол.

Ал Ербота Наурызханова тапсырмалар оңайға түспегенін айтуда.

«Тест тапсыру жеңіл болмады, тапсырмалар қиындау екен. Жөнсіз сұрақтар мүлдем кездеспеді, жалпы бүгінгі сынақты өзім жақсы бағалап отырмын. ҰБТ тапсыратындар өте көп болды, тек біздің аудиторияда 90-ға жуық адам отырды», - деді ол.

Талапкерлер ҰБТ тапсырып жатқан кезде олардың ата-аналары ғимарат сыртында балалары үшін уайымдап жүргенін байқауға болады.

Астана талапкерлері үшін ҰБТ-ның бірінші күні қалай өтті

«Балам таңдаған мамандығына түсетінін немесе түспейтінін нақты айта алмаймын. Осыған дейін ҰБТ тапсырмағандықтан, тұғыш қызым үшін қатты алаңдап жүрмін», - дейді Дмитрий.

Астана талапкерлері үшін ҰБТ-ның бірінші күні қалай өтті

Қайыргелді Қылышевтың сөзіне қарағанда, өткен жылы тестілеуді оның ұлы тапсырған екен, ал биыл қызы осы сынаққа барған.


Астана талапкерлері үшін ҰБТ-ның бірінші күні қалай өтті
«Осы оған бір жыл дайындалдық, қосымша дайындықтарға барды. Қызым медициналық университетке оқуға түскісі келеді. Биылғы сынақтың ерекшелігіне тоқталатын болсам, ҰБТ-ға мектеп етихандары қосылды. Осы тұрғыда біршама қиындау болды», - деп ойымен бөлісті Қылышев.

Естеріңізге сала кетейік, бүгін Қазақстанда Ұлттық бірыңғай тестілеудің бірінші күні өтті. 20 маусымда тестілеуге Қазақстан бойынша 16 мыңнан астам талапкер қатысты. Жалпы, биыл 92 826 талапкер тестілеуге тіркелген.


Астана талапкерлері үшін ҰБТ-ның бірінші күні қалай өтті

 

 

Басты сөздер: ҰБТ, Астана, Білім,

Пікір қалдыру

Соңғы Пiкiрлер