Астана - Петропавл бағытындағы жол жабылды
20 қаңтардан бері Шығыс Қазақстан облысында ауа райының бұзылуына байланысты (бұрқасын, жол көрінісінің шектелуі) облыстық маңызы бар «Чарск-Бакырчик» (0-42 км), «Бакырчик-Бурсак» (0-18 км) бағыттары бойынша барлық көлік түрлеріне жолдар жабық.
20 қаңтар күні аталғандармен қоса, 22 сағат 30 минуттан бастап, «Семей-Қарауыл» (0-90 км), «Бородулиха-Жезкент» (0-49 км) автожолдары да барлық көлік түрлері үшін жабық.
Алматы облысында 20 қаңтарда сағат 23-00-ден бастап, ауа райына байланысты республикалық маңыздағы «Сарыөзек-Көктал» (40-80 км) бағытындағы автожолдарында қоғамдық және жүк көліктері үшін қозғалыс шектелді.
Сонымен қатар, «Қостанай-Әулиекөл-Сұрған» жолының 108-232 шақырымында да көлік қозғалысына шектеу қойылды. «Жезқазған-Петропавл» жолының 252 шақырымындағы Арқалық қаласынан бастап 377 шақырымдағы Ақмола шекарасына дейінгі аралықта барлық көлік түрлері үшін жол жабық.
21 қаңтарда Ақмола облысы аумағындағы боранның салдарынан «Екатеринбор-Алматы» жолының 917-1006 шақырымындағы Жақсы ауылы мен Атбасар қаласы учаскесінде көлік қозғалысына шектеу енгізілді.
Бүгін таңертең «Жақсы-Есіл-Бұзылық» жолының 0-82 шақырымы, «Қостанай-Әулиекөл-Сұрған» жолының 232-260 шақырымдары, «Жезқазған-Петропавл» жолының 377-595 шақырымдары және «Екатеринбор-Алматы» жолының 917-856 шақырымдағы бөліктері жабылды.