Астана мен Бурабай аралығында қоғамдық көлікпен қатынау қиындады

АСТАНА. ҚазАқпарат - Қазақстан бойынша бір ғана республикалық маңызы бар жолдың учаскесінде көлік қозғалысы шектелді, деп хабарлайды ҚазАқпарат. 

«Қазақавтожол» РМК-ның мәліметіне қарағанда, боранға байланысты бүгін түстен кейін «Астана-Петропавл» автожолының 18-230 шақырымындағы Астана мен Бурабай аралығында қоғамдық және жүк көліктері үшін жол жабылды. Ал жеңіл автокөліктердің қозғалысына шектеу енгізілген жоқ.

Еліміздің өзге өңірлеріндегі республикалық жолдардың барлығы ашық.