Астана қалалық құрылыс басқармасының басшысы өмірден озды

АСТАНА. ҚазАқпарат - Елорда әкімдігінің баспасөз қызметі Астана қалалық құрылыс басқармасының басшысы Талғат Рысбековтің қайтыс болғанын растады, деп хабарлайды ҚазАқпарат.

Өмірден озған Талғат Тастыбайұлы Целиноград инженерлік-құрылыс институтын, Д.Қонаев атындағы университетті бітірген. Ол әр жылдары  «ҚР Бас прокуратурасы қорғаныс және қауіпсіздік бөлімі қаржы және материалдық-техникалық қамтамасыз ету басқармасының» бас маманы, ҚР Бас прокуратурасы жанындағы Материалдық-техникалық қамтамасыз ету басқармасы күрделі құрылыс бөлімінің бастығы, «Астана қалалық құрылыс басқармасы» МБ бастығының орынбасары, Астана қалалық тұрғын үй инспекциясы басқармасының басшысы қызметтерін атқарған. 2015 жылдың тамызынан бері Астана қалалық құрылыс басқармасына басшылық жасаған еді.