«Астана» баскетбол клубы екінші мәрте Қазақстан кубогын жеңіп алды

None
None
АСТАНА. ҚазАқпарат - «Астана» баскетбол клубы Қазақстан-2018 Кубогының иегері атанды, деп хабарлайды «SPORTINFORM» САА.

Шешуші мачта еліміздің ең мықты командасы Атыраудың «Барыстарын» 72:61 есебімен ойсырата жеңді. Алғашқы кезеңде қарсыластарын 17:21 есебімен алға шығарған астаналық команда екінші, үшінші кезеңдерде 20:10, 23:16 көрсеткішімен атыраулықтарды алға шығармады. Соңғы шешуші кезеңде «Астана» атыраулық командаға 12:14 есебімен жол берді. Жалпы есеп нәтижесі бойынша  Кубок «Астана» командасына бұйырды.

Еске сала кетейік, «Астана» өткен жылы да «Барыстар» командасымен Кубок финалында кездесіп, жеңіске жеткен.

«Астана» ойыншылары Рүстем Ерғали мен Александр Жигулин Кубоктың үздік ойыншылары ретінде танылды.

Матч «Назарбаев Университеті» спорт кешенінде өтті.

Соңғы жаңалықтар