«Астана» баскетбол клубы Азия чемпиондар кубогының қола жүлдегері атанды
Қазақстандық «Астана» баскетбол клубы өз тарихында алғаш рет Азия чемпиондар кубогының жартылай финалына жолдама алып, жарысты 3-орынмен аяқтады.
Байрақты бәсекеде Азия құрлығының 10 клубы екі топқа бөлініп бақ сынады. Астана ойыншылары топтық бәсекеде 3 жеңіс, 1 жеңіліспен А тобынан көш бастады. Ширек финалда қазақстандық клуб БАӘ елдерінің Аль-Ахли командасын 83-53 есебімен тізе бүктірді.
Өкінішке қарай, Астаналықтар жартылай финалда қытайдың Шыңжаң командасына есе жіберді. Алғашқы үш бөлімде 50-40 есебімен алдыда тұрған Астана командасы, соңғы бөлімде жарыстың тізгінін алаң иелеріне беріп қойды. Қортынды есеп 70-79.
Финалдық кездесуде ливандық Әл Риади командасын 88-59 есебімен Шыңжаң командасын жеңіп, чемпион атанды.
Астана командасы үшінші орын үшін болған ойында ирандық Мұнайхимия командасын 81-78 есебімен қапы қалдырды. 
Айта кетейік, баскетболдан Азия чемпиондар кубогы 1981 жылдан бері жалғасып келеді.