Аргентинаның жоғалған «Сан-Хуан» сүңгуір қайығында оттегі таусылуға жақын

АСТАНА. ҚазАқпарат - Аргентина әскери-теңіз күштерінің жоғалған «Сан-Хуан» сүңгуір қайығын іздестіру-құтқару жұмыстары тығырыққа тірелді. 

Өйткені әлі күнге дейін табылмай жатқан сүңгуір қайығындағы оттегінің таусылуы ықтимал. Бұл жайлы АВС хабарлайды.

Еске сала кетсек, 17 қарашада Аргентина жағалауларында тұрған ел әскери-теңіз күштерінің «Сан-Хуан» сүңгуір қайығы жоғалғаны туралы хабар таралған болатын. Қайық бортында 44 адам болуы мүмкін.