23:08, 12 Сәуір 2018 | GMT +6
Арақ ішіп ұйықтап қалған қостанайлық әйел сәбиін өлтіріп алды
ҚОСТАНАЙ. ҚазАқпарат - Қостанайда абайсызда баласын өлтіріп алған 28 жастағы әйелге қатысты тексеру шаралары жүргізілуде, деп хабарлайды ҚазАқпарат тілшісі облыстық ІІД баспасөз қызметіне сілтеме жасап.
Қайғылы оқиға Сарыкөл кентінде болған.
«28 жастағы келіншек 5 айлық сәбиін қасына емізіп жатып ұйықтап қалған. Ол баласының көз жұмғанын таңертең білген. Сарыкөл аудандық ІІБ қызметкерлері әйелдің сол күні арақ ішкенін анықтады», - деді облыстық ІІД баспасөз хатшысы Ирина Беженар.
Аталған факт бойынша ҚР ҚК-нің 104-бабы 1-бөлігіне («Абайсызда адам өлтіру») сәйкес сотқа дейінгі тергеу шаралары жүргізіліп жатыр.