Америкалық мұғалім Павлодардағы шалғай ауылда қамажай билеуді үйренді
Павлодар облысы Ақсу қаласы Сарышығанақ ауылына АҚШ-тың Висконсин штаты Элрой қаласынан ерікті болып келген ауыл шаруашылығы ғылымдарының магистрі Бэт Колодзински жергілікті балаларға бір жарым апта сабақ берді. 
Ағылшын тілін үйреніп жүрген мектеп оқушылары мен мұғалімдерге оның сабағы керемет сыйлық болды, деді «Жауқазын» қоғамдық қорының директоры, ағылшын пәнінің мұғалімі, Сарышығанақ орта мектебінің директоры Қалимаш Баймұханова.
Ол өзінің қоры негізінде тілдерді дамыту орталығын құрған (қазақ, ағылшын және басқа). Қазіргі бұл орталықтың түлектері Астана және басқа да қалаларда тілдер бойынша, филологиялық мамандықтар бойынша табысты жұмыс жасауда.
Колодзински - ағылшын тілінде еркін сөйлейтін маман. Сарышығанақтықтар оның көмегімен ағылшын тіліндегі сөздерді дұрыс айтып, жылдам сөйлейтін америкалықтың әр сөзін түсінуге тырысып бақты. 
Сонымен қатар, Бэт балаларға өзінің туып өскен Висконсин штаты туралы, АҚШ-тың географиясы туралы айтып берді. Барлық сабақтар мектептегі сабақтардан кейін жүргізілген.
Бэт Колодзинскиге қазақтың дәстүрлі биі - қамажайды билеуге үйретті. Ол әйелдерге ұлттық тағамдарды - бешбармақ, самса, бауырсақ әзірлеуге көмектесті. 
Баймұханованың айтуынша, 52 жастағы АҚШ-тан келген педагог жастармен бірге баскетбол және волейбол айнады.