15:00, 04 Ақпан 2018 | GMT +6
Алматыға футболдан әлем чемпионатының алтын кубогы әкелінді
АЛМАТЫ. ҚазАқпарат - Футболдан 2018 жылғы Әлем чемпионатының бас трофейі чартерлік рейспен Алматыға жеткізілді, деп хабарлайды «ҚазАқпарат» ХАА тілшісі.
Дәстүрге сай, футболдың ең айтулы додасы қарсаңында таза алтыннан құйылған 6 кг Әлем кубогы спортсүйер қауымды біріктіру мақсатында жаһанды шарлап шығады.
Кубокты алып жүрген ФИФА делегациясы Алматыға кешеуілдеп жетті. Жоспарға сай, 10:30-да қонуы тиіс ұшақ, Алматы әуежайындағы қолайсыз ауа райына байланысты, Бішкектің қосалқы аэродромына уақытша қонды. Әлем кубогы «мінген» ұшақ Алматыға 13:50-де келді.
Трофей Қазақстанда бір күн болады.