07:24, 10 Сәуір 2017 | GMT +6
Алматыдан 84 шақырым қашықтықта жер сілкінді
АСТАНА. ҚазАқпарат - «ҚР БҒМ Сейсмологиялық тәжірибе-әдістемелік экспедициясы» ММ сейсмикалық стансалар желісі 2017 жылдың 10 сәуірінде Алматы уақытымен 05 сағат 33 минут 47 секундта болған жер сілкінісін тіркеді.
Зілзала ошағы Алматы қаласынан оңтүстік-батысқа қарай 84 шақырым қашықтықта, Қазақстан мен Қырғызстан шекарасы аумағында орналасқан.
«Энергетикалық санаты - 8.6. Магнитудасы MPV 3.8», - делінген кезекші оператордың хабарламасында.