Алматыдан 211 шақырым қашықтықта жер сілкінді

АСТАНА. ҚазАқпарат - «ҚР БҒМ Сейсмологиялық тәжірибе-әдістемелік экспедициясы» ММ сейсмикалық стансалар желісі 12 желтоқсан күні 06 сағат 57 минут 15 секундта жер сілкінісін тіркеді, деп хабарлайды ҚазАқпарат.

Зілзала ошағы Алматы қаласынан батысқа қарай 211 шақырым қашықтықта Қырғызстан аумағында болды. Жер сілкінісінің энергетикалық санаты - 8.7. MPV тербелісі  - 3.8. Тереңдігі - 5 шақырым.

Жер дүмпуі Алматы қаласында сезілген жоқ.