Алматыда тұрмыстық техника тасымалдайтын көлік Mercedes-пен соғылды

АЛМАТЫ. ҚазАқпарат - Алматыда тұрмыстық техника тасымалдайтын көлік жол апатына ұшырады, деп хабарлайды ҚазАқпарат тілшісі.

Жол апаты Жароков пен Бəсенов көшелері қиылысында болған. Жүк көлігі Жароков көшесімен оңтүстікке бағыт алып келе жатқан.  «Mercedes» көлігі жолдың сол жақ жолағында, Газель оң жағында келе жатқан.

Мерседес жүргізушісінің айтуынша, жүк көлігі сол жаққа шұғыл бұрылғандықтан екеуі соғылып қалған.

Жүк тасушы мен Газель жүргізушісін жедел жəрдем ауруханаға алып кетті. Қатты соққыдан «Газель» Мерседестің багажын басып қалған.