Алматыда Олимпиада чемпиондары оқушыларға дене шынықтырудан сабақ берді
Жобаға Олимиада чемпиондары: Юрий Мельниченко, Дмитрий Баландин, Ермахан Ибраимов қатысты. Арнайы ұйымдастырылған шарада 12-14 жастағы оқушы жаңа фитнес технологиясы бойынша әзірленген жаттығуларды орындады.
«Физкульт-Ура» жобасы Астанада сәуір айында жақсы жүзеге асты. Айта кету керек, бұл бір реттік акция емес. Олимпиада чемпиондарының қатысуымен өтетін сабақ жыл бойына ұйымдастырылады. 28 қыркүйектен бастап аталған жоба Алматыда басталды. Бұл жобаны бүкіл Қазақстанда жүзеге асырмақпыз», - дейді ұйымдастырушылар.
«Балалардың арасында болу қандай жақсы. Оқу, жаттығу процесінің қаншалықты қиын екенін мен енді түсініп жатқан сияқтымын. Балалар кішкентай, олардың кейбірін 45 минут бойы өзіңе қарату өте қиын екен. Бүгін біз өзімізге жүктелген міндетті атқарып шықтық. Өзімді мұғалім ретінде сынап көру мен үшін бақыт», - деді Д.Баландин.
Бір сабақ аясында Дмитрий Баландин, Юрий Мельниченко және фитнес-бапкер Валихан Тен балаларға жаттығу ғана жасатып қойған жоқ, қызықты эстафета көрсетті.
Балалар жаттығуда жүзу, грек-рим күресі, бокстың іс-қимылдарын үйренді.