11:40, 23 Шілде 2017 | GMT +6
Алматыда ірі жол апаты: 9 адамды жедел жәрдем алып кетті
АЛМАТЫ. ҚазАқпарат - Алматыда Toyota Land Cruiser Prado-мен Hyundai Accent-тің соқтығысуынан 9 адам зардап шекті, деп хабарлайды ҚазАқпарат тілшісі. Оқыс оқиға таңғы сағат 5-6-лар шамасында болған.
Алғашқы мәлімет бойынша Toyota Land Cruiser Prado Қабанбай көшесінде бағдаршамның қызыл түсіне өтіп кеткен.
Ол Фурманов көшесімен келе жатқан Hyundai-ға қағып өтеді. Соққыдан Hyundai тұрақтағы Газель көлігіне барып соғылады. Hyundai көлігіндегі жолаушылардың бірін алып шығу үшін гидравликалық құралдар пайдалануға тура келді.
Жол апатынан барлығы 9 адам жапа шеккен.
Prado көлігінің жүргізушісі өте ауыр жағдайда ауруханаға жеткізілді.
Жол апатының себептерін жол полициясы анықтап жатыр.