13:29, 10 Желтоқсан 2017 | GMT +6
Алматыда ірі цех отқа оранды
АЛМАТЫ. ҚазАқпарат - Алматыда ірі цех өртенді. Жалын толықтай сөндірілді, деп хабарлайды «ҚазАқпарат» ХАА тілшісі Алматы ТЖД-іне сілтеме жасап.
ТЖД баспасөз қызметінің мәліметінше, Алматы ауданындағы Пятницков көшесі 102 «А» мекен жайынан сағат 11:56 кезінде Алматы ТЖД-інің кезекшілік бөліміне өрт шыққандығы туралы хабарлама келіп түскен.
«Алғашқы өрт сөндіру тобы оқиға орнына санаулы минуттарда жетті. Тілсіз жау 12:34-ке дейін толықтай ауыздықталды. Қосымша ақпараттар кейінірек беріледі»,- деп мәлім етті Алматы қаласы ТЖ департаментінің ресми өкілі Сандуғаш Баймұхамбетова.
Өрттің шығу себебі анықталып жатыр.