Алматыда демалыс күндері жаңбыр жауады

АЛМАТЫ. ҚазАқпарат  Нөсер жаңбырымен Алматыны әбігерге салған ауа райы алдағы демалыс күндері қандай болмақ.

«Қазгидромет» РМК мамандары «ҚазАқпарат» тілшісінің бірқатар сұрақтарына жауап берді. 

Синоптиктердің айтуынша, 29 сәуір мен 1 мамыр аралығында жаңбыр жауады, кей жерлерде нөсерлетіп, бұршақ жаууы ықтимал. 30 сәуір 1 мамыр аралығында таулы аймақтарда қар аралас жаңбыр болуы мүмкін. Бұл күндері ауа температурасы түнде 1-6 градус, күндіз 10-15 градус болады. Кей жерлерде түнде -2 градусқа дейін күн суытуы мүмкін. 2 мамыр мен 7 мамыр аралығында күн ашық болып, ауа температурасы түнде 7-12 градус, күндіз 22-27 градусқа дейін жоғарылайды. Жалпы, мамыр айының алғашқы он күндігінде өткінші жаңбыр жауып, күн күркірейді. Мамыр айының екінші онкүндігінде ауа температурасы 3-8 градусқа дейін көтеріліп, күндіз 18-23 тиен 26-31 градусқа дейін жоғарылайды. Мамыр айының үшінші онкүндігінде ауа райы құбылмалы болмақ.

Синоптиктердің айтуынша, айдың соңында ауа температурасы түнде 15-20, күндіз 30-35 градусқа дейін жетуі ықтимал. Жел күшейіп, бұршақ жауады.