Алматыда 20-дан астам адам петардадан зардап шекті

АСТАНА. ҚазАқпарат - Алматы қалалық жедел медициналық жәрдем стансасы мәліметі бойынша Жаңа жыл түнінде түрлі дәрежедегі жарақатпен 21 медициналық көмекке жүгінген. Оның 15-і балалар. 

«Зардап шегушілердің жасы 2-ден 44 арасында. 21 оқиғаның 9-ында петарда қолда жарылып кеткен, 9-ында петарда қиыс ұшып дене мүшелерін зақымдаған. 11 рет көзге зақым келген, 6 адамның беті күйіп қалған, 4 жағдайда басқа мүшелерді күйік шалған»,- делінген Алматы ТЖД хабарламасында. 

Айта кетерлігі, Жаңа жыл алдында Алматы қалалық ТЖД мен ІІД бірлесіп рұқсат етілмеген жерлерде пиротехникалық өнімдер сатуға қатысты рейд өткізіп, 3,4 мың келі контрафакті пиротехниканы тәркіледі.