Қолданушы баптаулары
Қолданушы баптаулары
+7 (701) 759 90 19 Лента
Астана: -20 °С
Алматы: -9 °С
USD 329.41 EUR 403.92
RUB 5.84 CNY 51.23
Жаңалықтар

Алматы тауында қар көшкіні Шымбұлақ-Тұйықсу жолын жауып қалды

2018 жылғы 3 қаңтар 18:30 716
Поделиться:
Алматы тауында қар көшкіні Шымбұлақ-Тұйықсу жолын жауып қалды

АЛМАТЫ. ҚазАқпарат -  Алматы тауында қар көшкіні Шымбұлақ-Тұйықсу жолын жауып қалды, деп хабарлайды ҚазАқпарат тілшісі.

«Қазселденқорғау» мемлекеттік мекемесінің хабарлауынша, төтенше жағдай Кіші Алматы өзен алабындағы № 17 «Эдельвейс» қар көшкіні жинағышында болған.

Көлемі 500 текше метр болатын қар массасы «Шымбұлақ - Тұйықсу» автожолын жауып қалған. Төтенше жағдайдан зардап шеккендер жоқ.

Апат салдарын жоюға 1 КаМАЗ, 1 фронталды тиегіш, 6 адам жұмылдырылды.

Айта кету керек, 30 желтоқсаннан бері «Шымбұлақ» БК бақылаушылары тауда 5 рет қар көшкенін бақылаған.

Көшкіндердің ешқайсысы өзенге жеткен жоқ. Көшкіннің жалпы көлемі 2800 текше метрді құраған. Зардап шеккендер жоқ.

30 желтоқсанда Алматы қаласының ТЖД және «Қазселденқорғау» ММ мамандары  Кіші және Үлкен Алматы өзендері алабында  биік таулы мұздық көлдерге және мұздықтарға, қар көшкіні қаупі бар жерлерге, селдік және қар көшкіні қаупі бар аймақтарды тексеру үшін аэрошолу жүргізілген болатын.

  Мамандардың айтуынша, барлық мұз көлдер қысқы режімде және қар жамылғысының астында жатыр. Метеорологиялық жағдайдың өзгеруіне байланысты,  тау беткейлерінде қар қорының аз болуынан жеке аймақтарда қар көшкінінің болуы мүмкін. Сондай-ақ, жабайы аңдардың, шаңғышылардың, экстремалды спорт түрлерімен айналысатын сноубордистердің қар қалың жиналған жерлерде жүруі салдарынан қар көшкіндері жүруі мүмкін.

 

 


Басты сөздер: Экология, Алматы,
Бөлісіңіз:

Автор:

Гүлмира Ғосманәли

Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Кожакелдиев Е.
Кожакелдиев Е.
954-059
Мұрағат