Ауа райы
Астана 25 °С
Алматы 26 °С
валюта бағамы
USD 340.95
EUR 408.73
RUB 5.87
CNY 51.80

«Алматы-Талдықорған» жолы қашан толық пайдалануға берілетіндігі белгілі болды

«Алматы-Талдықорған» жолы қашан толық пайдалануға берілетіндігі белгілі болды
2017 жылғы 12 маусым 13:01 1168

АСТАНА. ҚазАқапарат - Алматы-Талдықорған жолының қалған 2 шақырымға жуық бөлігіндегі жұмыстар күзде толық аяқталады. Бұл туралы бүгін халықпен есептік кездесуін өткізген ҚР Инвестициялар және даму министрі Жеңіс Қасымбек мәлім етті, деп хабарлайды ҚазАқпарат.

Кездесу барысында тікелей эфир арқылы байланысқа шыққан Талдықорған қаласының тұрғыны министрден Алматы-Талдықорған жолының қашан толық аяқталатындығын сұраған болатын.

«Былтыр Алматы мен Талдықорғанның ортасындағы жолдағы жұмыстарды бітірдік. Қалған соңғы учаске - Балпық би ауылы. Біз осы ауылдың тұрғындарының ұсынысымен жобалық құжаттарды  өзгерттік.  Қалғаны 1,5-2 шақырым. Ол учаскедегі жұмыстар осы күзде бітеді деп жоспарлануда. Жалпы, Алматы мен Талдықорғанды қосатын жолдағы жұмыстар толығымен күзде бітеді», - деді Жеңіс Қасымбек.

Оның айтуынша, Алматы облысында жол саласында көптеген жұмыстар атқарылатын болады.

«Осы жылы Талдықорғаннан Аягөз, Семейге, Қалбатауға Өскеменге баратын жолды бастаймыз және Алматыдан Жамбылға, ары қарай Балқаш, Қарағандыға баратын  жолдарды, оның ішінде Күртіден Бурылбайталға дейін жолды жаңғыртамыз. Алматы облысында мұнан бөлек басқа да көптеген жоба бар», - деді министр.

 

 

Басты сөздер: Инфрақұрылымдық жобалар, ҚР Инвестициялар және даму министрлігі, Алматы облысы,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер