19:45, 22 Қаңтар 2018 | GMT +6
Алматы полициясы келіншектің 420 мың теңгесін алып кеткендерді іздестіріп жатыр
АЛМАТЫ. ҚазАқпарат - Алматы полициясы таксист келіншекті пышақпен қорқытып 420 мың теңгесі мен қымбат ұялы телефонын алып кеткен екі жігітті іздестіріп жатыр, деп хабарлайды ҚазАқпарат тілшісі.
Аталған қылмыстық іс Әуезов аудандық ІІБ тергеу бөлімінің қарауында жатыр.
Базарлардың бірінен шығып келе жатқан әйел жол шетінде тоңып тұрған жас жігітті аяп, көлігіне отырғызып алған.
Жол үстінде оның қасына тағы бір ер адам отырған. Бірнеше минуттан соң екеуі әйелге пышақ кезеніп қорқытып, 420 000 теңгесі мен Huawei маркалы ұялы телефонын тартып алған. Іздестіру парағы kris_p_almaty паблигінде жарияланды.
Қазір бұл дерекке қатысты ҚР ҚК 192-бабы бойынша сотқа дейінгі тергеу ісі тіркелді. Арнайы жедел тергеу тобы құрылды. Күдіктілердің кім екендігі анықталды.