Алматы облысында құны 42 млрд. теңге болатын бірнеше меморандумға қол қойылды
Болашақта жүзеге асатын инвестициялық жобаларға бесағаштық жеке кәсіпкер Қайыр Мейірбеков те өз үлесін қоспақ. Ол «Туған жер» бағдарламасы аясында құны 100 млн. теңге болатын көлемі 485 шаршы метрлік спорт залын тұрғызып, ауыл әкімшілігінің игілігіне тапсырмақшы. Сондай-ақ Бесағаш ауылдық округінде 75 гектар аумаққа көпсалалы туристік-сауықтыру экокешені де салынатын болады. Ауқымды инвестициялық жобалардың ішінде Талғар өзенінің жағалауын нығайту жұмысы да бар. Бұл жобаның жалпы құны 6 млрд. теңгеден асады.
Жалпы Талғар ауданында «Туған жер» бағдарламасы шеңберінде көптеген игі істер атқарылуда. Оның аясында Панфилов, Төңкеріс ауылдарында жаңа мешіт халық игілігіне беріліп, Береке ауылында көпір салынды. Тұздыбастау ауылындағы мәдениет үйінде өлкелік музей ашылды.
Айта кету керек, бүгінгі «Талғар инвест» жерлестер форумы ауданның ең көрікті демалыс орындарының бірі саналатын «Сегіз көл» кешенінде өтті.