11:51, 29 Қыркүйек 2017 | GMT +6
Алматы облысында бір отбасының үш мүшесі тұтқындалды
ТАЛДЫҚОРҒАН. ҚазАқпарат - Алматы облысында алаяқтық жасады деген күдікпен бір отбасының үш мүшесі ұсталды. Әкесі, шешесі және баласы қазір тергеліп жатыр, деп хабарлайды ҚазАқпарат тілшісі.
Іс материалына сәйкес, Көксу ауданының ерлі-зайыпты тұрғындары 25 жастағы ұлымен бірге алаяқтық жасады деп айыпталуда. Олар түрлі айла тәсілмен адамдардың сеніміне кіріп, автокөліктер мен малдарын алып, артынша сатып отырған. Осылайша 9 жәбірленушіге келтірген шығын көлемі 6 млн теңгеден асып кеткен. Қазір ұсталған азаматтардың бұдан басқа да қылмысқа қатысы бар-жоғы анықталуда. Егер де зардап шеккендер бар болса, Талдықорған қалалық ІІБ немесе осы номерге хабарласуларыңызды сұрайды. 8 7282 608067, 8 7074134373, 8 707 192 12 13