Қолданушы баптаулары
Қолданушы баптаулары
+7 (701) 759 90 19 Лента
Астана: -30 °С
Алматы: -12 °С
USD 324.27 EUR 398.27
RUB 5.73 CNY 50.68
Жаңалықтар

Алматы облысында ауыл әкімі қарды трактормен өзі тазалап жүр

2018 жылғы 14 қаңтар 16:01 6796
Поделиться:
Алматы облысында ауыл әкімі қарды трактормен өзі тазалап жүр

  ТАЛДЫҚОРҒАН. ҚазАқпарат - Алматы облысының Алакөл ауданындағы Көлбай ауылының әкімі қарды трактормен өзі тазалап жүр. Жергілікті тұрғындар ауыл басшысының еңбекқорлығына тәнті болып, видеоға түсірген, деп хабарлайды ҚазАқпарат тілшісі.

Көлбай ауылының әкімі Ержан Шәкеровке ҚазАқпарат тілшісі хабарласып, мән-жайды білді.

Ержан Шәкеров, әкім деген лауазымыңыз бар, тракторға отырып, қар тазалағаныңызды қалың көпшілік қалай түсінер екен ?

«Мен осы Көлбай ауылында туғанмын. Кіндік қаным тамған туған ауылымның халқына қызмет етуден ешқашан шаршамаймын. Қар тазалайтын мекемелер біздің ауылдың ішкі жолдарын толықтай білмейді. Ал мен тракторға отырып алып, жалғыз адам жүретін жолдарды да тазалаймын. Ол жұмысым үшін ешуақытта намыстанған емеспін. Керісінше, халқыма пайдамның тигеніне ризамын. Осыдан екі күн бұрын ғана қарды тазалап едім, тағы да жауды. Қазір тазалап жатырмын», дейді Көлбай ауылының әкімі Ержан Шәкеров.

Алматы облысында ауыл әкімі қарды трактормен өзі тазалап жүр 

37 жастағы Ержан Шәкеров бес баланың әкесі. Ол өнерден де кенде емес. Өлең жазып, ән шырқап, домбыраның құлағында ойнайды. Ал оның Көлбай ауылының әкімі болғанына 1 жыл 2 ай болыпты.

Айта кету керек, Ержан Шәкеров ауылға айрықша сіңірген еңбегі үшін Президенттің «Құрмет» грамотасымен марапатталған болатын. Ол мұндай құрметке 2017 жылы Тәуелсіздік мерекесі қарсаңында бөленді. Алматы облысының әкімі Ержан Шәкеровке марапатты салтанатты шара барысында табыстады.

 

 


Басты сөздер: Қоғам, Алматы облысы,
Бөлісіңіз:

Автор:

Самал Қабышева

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Мұрағат