10:19, 23 Қаңтар 2018 | GMT +6
Алматы әуежайында оннан астам рейс уақытында ұша алмады
АЛМАТЫ. ҚазАқпарат - Алматының Халықаралық әуежайында 12 рейс уақытынан кешігіп ұшты, деп хабарлайды ҚазАқпарат тілшісі әуежай баспасөз қызметінің Фейсбуктегі парақшасына сілтеме жасай отырып.
22-23 қаңтар аралығындағы бір тәулік ішінде төмендегідей рейстер бірқатар себепке байланысты уақытында әуеге көтеріле алмады.
Атап айтқанда, ұшақтың кешігіп келуіне байланысты Air Astana компаниясының Алматы-Киев, Алматы-Санкт-Петербург, Алматы-Мәскеу, Алматы-Бангкок бағытындағы рейстері кідірсе, Алматы-Астана бағытындағы ұшақ жоспарланған резервтік ұшақтың жетіспеушілігінен және Алматы-Ташкент рейсі техникалық себеппен ұшақтың ауысқанына байланысты кешіктірілген.
Сонымен қатар, «Scat» әуекомпаниясының Алматы-Семей, Алматы-Өскемен, Алматы-Қостанай, Алматы-Ақтау, Алматы-Шымкент бағытындағы рейстері де ұшақтың кешігіп келуіне байланысты кідірсе, Алматы-Астана рейсі жоспарлы техникалық қызметке байланысты уақытында ұша алмады.