Әлеуметтік жоба: Қызылордада жастар жұмыссыздығы азайды
Облыстық жастар саясаты мәселелері басқармасы басшысының міндетін атқарушы Майя Тасқынбаеваның айтуынша, жоғарыда аталған әлеуметтік жобаларға 145 979 млн теңге қарастырылған.
«Оның ішінде 3 жоба жастардың бос уақыттарын тиімді ұйымдастыруға, 2 жоба ұлттық құндылықтарымызды нығайту мен патриоттық тәрбие беру жұмыстарына, 5 жоба жастарды жұмыспен қамтуға, 2 жоба облыстық деңгейде өтетін бірреттік шараларға, 2 жоба қиын өмірлік жағдайға тап болған жастарды қоғамдық ортаға бейімдеуге, сондай-ақ, әр түрлі бағыттағы 3 жоба бар»,- деді Майя Тасқынбаева Өңірлік коммуникациялар қызметінде өткен баспасөз конференциясында.
Сондай-ақ, ол 2018 жылы 11 әлеуметтік жоба жүзе асырылатынын атап өтті.
«Өткен жылы жастардың бос уақытын тиімді ұйымдастыруға, ұлттық құндылықтарымызды нығайту мен патриоттық тәрбие беру жұмыстарына, қиын өмірлік жағдайға тап болған жастарды қоғамдық ортаға бейімдеуге арналған жобалар іске асты. Ал, биыл 11 әлеуметтік жоба жүзе асырылатын болады», - дейді ол.