Әлемнің түкпір-түкпірінен көмек жолданған тараздық бүлдіршін қыз обырдан көз жұмды

АСТАНА. ҚазИнформ - Ресейдің Санкт-Петербург қаласындағы ауруханалардың бірінде обырмен күресіп жатқан кішкентай қазақ қызы Айымжан Досжан көз жұмды, деп хабарлайды «ҚазАқпарат» ХАА тілшісі.

«Кешір бізді, бүлдіршін... Біз үлгере алмадық, шарамыз болмады... Жаның жаннатта болсын. Мәңгілік біздің жүрегіміздесің» деп жазды қыздың ата-анасы әлеуметтік желіде. Айымжанның туысқандары желіге қалдырған соңғы жазбада жылу жинау акциясының жабылғаны айтады.

Айымжан нейрабластома деп аталатын обыр түрімен аурырған болатын. Жаман дерт оның бойынан 2 жасында табылған. 32 химиотерапия алған қызға ісікті алып тастау бойынша екі ота жасалды.

Айымжанның қымбат ем-домына әлемнің түкпір-түкпірінен мейірімді адамдар көмек қолдарын созған болатын.