Әлемдік мұнай бағасы артты

АСТАНА. ҚазАқпарат - Лондон және Нью-Йорк шикізат биржаларындағы жұма күнгі сауда-саттықта мұнай бағасы айтарлықтай көтеріле түсті, деп хабарлайды «ҚазАқпарат» ХАА тілшісі. 

Лондонның ICE Futures биржасында қаңтар айында жеткізілетін Brent маркалы мұнай фьючерстері 1,36 долларға дейін қымбаттап, бір баррель мұнайдың бағасы 62,72 долларға жетті.

Нью-Йорк тауар биржасында (NYMEX) WTI маркалы мұнайдың желтоқсан айында жеткізілетін фьючерстері 1,41 долларға қымбаттап, бір баррельдің бағасы 56,55 долларды құрады.