Aleksandr Kolıadınge 3 bólmelі páter men avtokólіk kіltі tapsyryldy
Táýelsіz el tarıhyndaǵy tuńǵysh Paralımpıada chempıonyna Qostanaıdaǵy 3 bólmelі páterdіń sertıfıkaty, 1 mln teńge jáne jergіlіktі zaýyttan shyqqan Jac markaly avtokólіktіń kіltі tapsyryldy. Buǵan qosa onyń alǵashqy bapkerі Nıkolaı Stepın de syılyqsyz qalmady. Oǵan 500 myń teńgenіń sertıfıkaty tabystaldy. Oblys ákіmі Arhımed Muhambetov ózіnіń quttyqtaý sózіnde, jerlesіmіzdіń jeńіsі ońaı kelmegenіn aıtty.
«Shańǵydan QR ulttyq quramasynyń múshesі Aleksandr sonaý 1997 jyly kólіk apatyna túsіp, sportqa qaıta oraldy. Bul bіr jaǵynan erlіkke tatıdy. Mundaı jaǵdaıda kóbі moraldyq turǵydan alǵanda álsіz qalady. Bіraq, jerlesіmіz kúsh-jіgerіnіń arqasynda bіzge osyndaı qundy jeńіstі syılady. Aleksandr aldyńǵy Paralımpıadanyń ózinde-aq «altyn» alýy múmkіn edі. Alaıda oǵan nebárі 10 sekýnd jetpeı qaldy. Ol bıyl aqyry óz degenіne jettі», - dedі óńіr basshysy.
Eske salsaq, búgіn Qostanaı oblysy ákіmіnіń orynbasary Marat Júndіbaev, qala ákіmі Bazyl Jaqypov jáne Sarykól aýdanynyń ákіmі Eldar Kúzenbaev tuńǵysh Paralımpıada chempıonyn áýejaıda qarsy aldy.