Алдағы мерекеге орай Астанада бірқатар көше жабылады
Қазақстан халқының бірлігі күніне арналған «Қазақ Елі» монументі алаңында өтетін ірі шараға 20-28 сәуір арасында дайындық жүргізілуіне байланысты Тәуелсіздік даңғылы (А. Байтұрсынов көшесінен Ж. Нәжімеденов көшесіне дейінгі аралық) бойында жол қозғалысына шектеу қойылады.
29 сәуір мен 2 мамыр аралығында аталмыш аймақ толығымен жабылады.
Сондықтан, полицейлер аталған учаскені Аманжолов көшесімен (Ж. Нәжімеденов пен А. Байтұрсынов көшесі арылы) айналып өтуді ұсынуда.
Көлік кептелісін болдырмас үшін іс-шараны ұйымдастырушылар автокөлік жүргізушілеріне алдын ала қалай қозғалу керектігін жоспарлап алуды ескертеді.
Тәуелсіздік даңғылы бойынша көлік қозғалысын шектеу кезінде № 4, 21 автобус бағдарлары Ж. Нәжімеденов пен А. Байтұрсынов көшесі арқылы Аманжолов көшесімен қатынайтын болады.
Қалалық ІІД жергілікті полиция қызметі жүргізушілерге қоғамдық көліктердің емін-еркін қозғалуы үшін жеке көліктерін уақытша бас тарта тұруды сұрайды. Мереке күндері халықаралық «Нұрсұлтан Назарбаев» әуежайы мен сол маңайға жақын елді мекеннің тұрғындарына баратын жерлеріне ертерек жетіп алуы керек.
Сондай-ақ, тұрғындарды үш жерден арнайы рейспен тасымалдайды. Автобустың арнайы рейсі жиналатын орын: ІІМ автотұрағы, «Нұр Астана» мешіті, «Арай» саябағы.
Қала әкімдігі тұрғындарды мереке кезінде тәртіп пен тазалық сақтауға шақырады.