«Ақжайық» тағы бір украиналық футболшыны құрамаға алды
«Ақжайық» футбол клубының баспасөз қызметінен түскен мәліметке қарағанда, Эсеола Адеринсола (әкесі нигериялық, анасы украиналық) футбол әліппесін «Полесьеде» (Житомир) үйренген. 2004-2008 жылдары «Арсенал» (Киев) клубының мектебінде жаттықты. Оқуын бітіргеннен кейін Украинаның екінші лигасында өнер көрсететін ЦСКА (Киев) командасында, сосын 2009 жылы белгілі киевтік клуб «Динамоның» қосалқы құрамында ойнады. 2010-2013 жылдары Италияның D сериясында «Виртуса», «ХинтерРеджио-Кальчо», «Вибонезе-Кальчо» және «Изола-ди-Капо-Риццуто" командаларында доп тепті. В 2012 жылы Вияреджо турнирінде D сериясының құрамасына ілікті. 2015 жылы жазда «Деснаға» (Чернигов) ауысса, бір жылдан кейін Украинаның бірінші лигасында «Арсенал» құрамында 10 гол соқты. Эсеоланың «Ақжайыққа» дейінгі соңғы клубы да - осы «Арсенал». Оның құрамында маусымның бірінші бөлігінде қарсыластар қақпасына жеті доп енгізді.
Бұл - «Ақжайықтың» құрамына алынған екінші украиналық футболшы.
Еске сала кетейік, Түркияда бірінші оқу-жаттығу жиынын өткізіп жатқан, украиналық маман Владимир Мазяр жаттықтыратын оралдық клуб бұдан бұрын Украина елінің өкілі, жартылай қорғаушы Андрей Ткачукпен келісімшартқа қол қойған болатын.