Ауа райы
Астана 20 °С
Алматы 17 °С
валюта бағамы
USD 332.80
EUR 390.57
RUB 5.60
CNY 49.88

«Ақтөбе» жанкүйерлеріне бейәдеп әндері үшін айыппұл салынды

«Ақтөбе» жанкүйерлеріне бейәдеп әндері үшін айыппұл салынды
2017 жылғы 12 тамыз 18:58 506

АСТАНА. ҚазАқпарат - Бүгін Қазақстан футбол федерациясының тәртіптік-бақылау комитеті «Ақтөбе» футбол клубы жанкүйерлерінің «Қайрат» командасы тарапына қарата айтқан бейәдеп әндеріне қатысты өз шешімдерін шығарды.

Ақтөбелік команда жанкүйерлері қарсылас команданың намысына тиетін сөздер мен бейәдеп сөздерге толы ән шырқағаны үшін клубқа 500 мың теңге айыппұл салынды, деп хабарлайды dodasport.kz.

Егер мұндай жағдай кезекті рет қайталанатын болса, команда өз алаңындағы ойындарын жанкүйерлерсіз өткізуі мүмкін. Сондай-ақ 30 шілде күні өткен «Ақтөбе» - «Қайрат» ойынында жауапты инспектор болған Павл Салийды да кездесу хаттамасында жанкүйерлердің тәртіпсіздігін жазбағаны үшін жауапқа тартты.

Тәртіптік-бақылау комитеті оқиғаны БАҚ пен интернетте жарияланған видеоматериалдар негізінде қараған. Бүгін Ақтөбе облысы ішкі істер департаменті ойында тәртіпсіздік танытып, бейәдеп ән шырқаған бірнеше жанкүйерлерді жауапқа алғаны жайлы да хабарлады. Оларға 90 760 теңге көлемінде айыппұл салынатын болады. Өзге де жанкүйерлер іздестіріліп жатыр екен.

 

 

Басты сөздер: Спорт, Ақтөбе облысы,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер