Қолданушы баптаулары
Қолданушы баптаулары
+7 (701) 759 90 19 Лента
Астана: -23 °С
Алматы: -6 °С
USD 334.92 EUR 395.88
RUB 5.71 CNY 50.69
Жаңалықтар

«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды

2017 жылғы 12 қазан 21:34 613
Поделиться:
«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды

АҚТӨБЕ. ҚазАқпарат - Ақтөбеде мұнай жабдықтарын шығаратын зауыт Қытай мен Ресейден тасымалданған құбырларды сынақтан өкізіп, өндіріске дайындап береді. «Aktobe Invest - 2017» форумына қатысушылар зауыттың алдағы жоспарларымен танысты, деп хабарлайды ҚазАқпарат тілшісі.  

Ақтөбеде «Aktobe Invest - 2017» форумы өтіп жатыр. Форумға әлемнің 20 елінен 400-ге жуық адам қатысады. Халықарылық қаржы ұйымдары мен институттар, отандық және шетелдік кәсіпкерлердің, инвесторлардың басын қосқан форум кезінде 11 меморандумға қол қойылады деген жоспар бар. 


«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды

Бүгін форум қатысушылары Ақтөбедегі өндіріс орындарының жұмысымен танысты. Олардың арасында көктемде іске қосылған Қазақстандағы мұнай жабдықтары зауыты бар. Мұнда диаметрі әртүрлі құбырлар тазартылып, сынамадан өткізіліп, дәнекерленіп, өндіріске дайындалады. Бұл мұнай өндіру көлемін арттыруға мүмкіндік беретін құбырлар. Шикізат Қытай мен Ресейден тасымалданып жатыр.

«Зауыттағы құрал-жабдықтың бәрі Қытайдан әкелінді. Қазіргі уақытта 2400 тонна құбыр шығарылды. Биыл 5 мың тонна өнім шығару жоспары бар. Тең жартысы орындалды. Өндіріс сәуір айында ғана іске қосылған болатын. Алдағы уақытта қуаттылығы артады. Жалпы жылына 10-20 мың тонна құбыр шығаруға мүмкіндік бар. Құбырлар Қызылорда, Ақтау, Атырау облыстарына жөнелтіліп жатыр. Әзірге Ақтөбедегі мұнай өндіру зауыттарынан тапсырыс түспеді. Сатып алушылары құбырдың сапасы мен бағасына риза. Ақтөбеде бәсекелестік жоғары. Дегенмен бізде шығарылатын кейбір өнімдерімізде айырмашылық бар», - деді Қазақстандағы мұнай жабдықтары зауыты директорының орынбасары Данияр Лекеров.


«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды 

Мұнай жабдықтарын шығаратын кешенде жанар-жағармай, газға қажетті цистерналар жасалады. Сонымен қатар, вахталық ауылдарға арналған заманауи вагондар дайындалады.

«Вагон көлемі мен дизайнын тапсырыс берушілер айтады. Жобалық-сметалық құжаты дайын болған соң келісіммен вагон дайындалады. Қазір бұрғылау компаниясы тапсырыс берді. Сонымен қатар, бізде қалыңдығы 8-10 см болатын темірді қиятын, тесетін құрал бар. Жанар жағармай сақтайтын цистерналарға қажетті шикізаттың басым бөлігі жергілікті жерде бар. Ал кейбір жабдықтары Қытайдан әкелінеді. Бұл цистернада жаңбыр мен аязға төзімділігі жоғары арнайы құрылғы бар. Өндірістегі жабдықтың бәрі Қытайдан тасымалданған соң, біз жергілікті жұмысшыларды оқытуға кірістік. Алдағы уақытта тек қазақстандық жұмысшылар еңбек ететін болады», - деді Данияр Лекеров.

Ақтөбеге келген инвесторлар мен кәсіпкерлер мұнай өндірісіне қажетті құрылғы мен жабдықтар шығаратын зауыттың жұмысын жоғары бағалады.


«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды 

«Қаламқас пен Жетібай кен орнын игеріп отырған компания үшін Ақтөбедегі өндіріс орнында шығарылатын жабдық қажет. Форум аясында жаңа зауыттың жұмысымен танысып отырмыз. Бұл бізге өндірістегі қазақстандық үлесті арттыруға септегін тигізеді. Себебі, біз бұл жабдықтарды Ресейден алып отырмыз», - «Маңғыстаумұнайгаз» АҚ бас директоры әкімшілік мәселелер жөніндегі орынбасарының міндетін атқарушы Нұрлан Ильмұхамбетов.

Айта кетейік, Ақтөбедегі инвестициялық форумның негізгі жұмысы ертең басталады. Форум кезінде Ақтөбе өңірінің инвестициялық мүмкіндіктері түсіндіріліп, өңірде атқарылып жатқан іргелі жұмыстар көрсетіледі.


«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды 
«Aktobe Invest - 2017»: Ақтөбеде мұнай жабдықтарын шығаратын зауыт жұмысы таныстырылды 

 


Басты сөздер: Ақтөбе облысы, Экономика,
Бөлісіңіз:

Автор:

Алтынай Сағындықова

Пікір қалдыру
Онлайн қызметкерлер
Редактор
Ербол Жанат
Ербол Жанат
954-059
Редактор
Айдар Оспаналиев
Айдар Оспаналиев
954-059
Мұрағат