Ақтауда теңіз қызыл түске боялды

АСТАНА. ҚазАқпарат - Бірінші шағын аудандағы «Шағала» қонақ үйінен «Нұр плаза» жағажайына шейін теңіз суы қызыл түске боялды. Жағалауда балдыр және шылау өте көп байқалады, деп хабарлайды Lada.kz.

Ақтау тұрғындары редакцияға көптеген суреттер мен видеолар жіберген.

«Судың қызыл түске енгенін екі апта бұрын байқадық. Алайда аса көп біліне бермейтін. Қазір теңіз суы қанқызыл түске енді», - дейді жағалауда жұмыс істейтін құрылысшылар.

Еске сала кетсек, 2017 жылдың мамыр айында Ақтау тұрғындарын теңіз суының түсі таңқалдырды. Сол кезде экология департаменті жағалауға теңіз балдырлары жиналып қалғанын айтқан болатын.

lada.kz пайдаланушыларының фотосы