АҚШ-та құпия жүк тиелген 50 вагон аударылды

АСТАНА. ҚазАқпарат - АҚШ-тың Ноксвилл қаласында (Теннесси штаты) көп вагонды жүк тиелген пойыз аударылып, маңындағы ғимараттарға барып соғылған, деп хабарлайды жергілікті полиция.

«Рельстен шығып кеткен локомотив 50 вагонды тартып келе жатыр еді. Салдарынан сол маңдағы екі ғимаратқа залал тиген. Полиция төнуі мүмкін қауіп-қатерді анықтап жатыр, бұл аумақтан аулақ жүріңіздер!», - деп жазды Ноксвилл полиция департаменті Twitter-дегі ресми парақшасында.

Оқиға орнында өрт сөндірушілер жұмыс істеуде. Апатқа ұшыраған пойызға қандай жүк тиелгені жайлы ақпарат әзірге құпия болып отыр.

Фото: © РИА Новости / Александр Вильф