09:43, 01 Мамыр 2017 | GMT +6
АҚШ елшілігінің өкілдері мерекеге орай Қазақстан әнұранын орындады
АСТАНА. ҚазАқпарат - 1 мамыр - Қазақстан халқының бірлігі күніне орай, Қазақстандағы АҚШ елшілігінің қызметкерлері әлеуметтік желіге құттықтау бейнеролигін жариялады, деп хабарлайды «ҚазАқпарат» ХАА тілшісі.
Бейнеролик Қазақстандағы АҚШ елшілігінің ресми Facebook-парақшасында «Достық күші - бірлікте!» деген атаумен жарияланды.
Онда АҚШ елшісі Джордж Кролл мен елшіліктің өзге де қызметкерлері домбыраның сүйемелдеуімен ҚР Республикасының Мемлекеттік гимнін орындады.
Айта кетейік, АҚШ - тәуелсіз Қазақстан Республикасында елшілігін ашқан алғашқы мемлекет. Қазақстан мен АҚШ арасындағы дипломатиялық қарым-қатынас 1991 жылы 25 желтоқсанда орнады.