10:14, 27 Маусым 2017 | GMT +6
АҚШ Астанадағы сириялық келіссөздерге қатысатын өкілін атады
АСТАНА. ҚазАқпарат - Қазақстандағы АҚШ елшілігі Астанадағы Сирия жөніндегі келіссөздер барысында осы елді таныстыратын өкілін атады, деп хабарлайды «ҚазАқпарат» ХАА тілшісі.
«Астанада 4-5 шілде аралығында өтетін сириялық келіссөздерде АҚШ-ты Мемлекеттік хатшының таяу шығыс істері жөніндегі көмекшісінің міндетін атқарушы Стюарт Джонс таныстырады», - делінген хабарламада.
Еске салайық, Қазақстан астанасындағы Сирия жөніндегі келіссөздер төрт кезеңнен өтті (23-25 қаңтар, 15-16 ақпан, 14-15 наурыз және 3-4 мамыр). Төртінші раундтың нәтижесі бойынша кепілгер-елдер - Ресей, Иран және Түркия - Сирияда қауіпсіздік аймағын құру туралы меморандумға қол қойды. ҚР Сыртқы істер министрі Қайрат Әбдірахманов кезекті раундты қорытындылай отырып, Астана процессінің басты мақсаты елдегі қан төгісті тоқтату екендігін атап өтті.