Ақмола облысында дүкенге кеткен қарияға іздеу жарияланды

КӨКШЕТАУ. ҚазАқпарат - Ақмола облысында дүкеннен нан алып келуге кеткен қария із-түзсіз жоғалып кетті, деп хабарлайды ҚазАқпарат тілшісі облыстық ІІД баспасөз қызметіне сілтеме жасап.

Полицейлердің дерегі бойынша, Несіп Қадырқызы Рахимова 1941 жылы туған. Сәуірдің 16-ы күні сағат 15:00-дер шамасында нан сатып алу үшін дүкенге кетіп, кейін қайтып оралмаған.

«Қарияның бойы 150-155 сантимметр, дене бітімі арықша келген. Үстіне жүннен тоқылған сұр түсті күртеше киген, басында ормалы бар. Қарияны көрген адамдар болса 871651250002, 25823 телефон нөмірлері арқылы хабарласуына болады», деп көрсетілген хабарламада.