Ауа райы
Астана 12 °С
Алматы 16 °С
валюта бағамы
USD 332.70
EUR 389.99
RUB 5.59
CNY 49.72

Air Astana ұшағы техникалық ақауға байланысты елорда әуежайына қайтып оралды

Air Astana ұшағы техникалық ақауға байланысты елорда әуежайына қайтып оралды
2017 жылғы 16 маусым 13:04 498

АСТАНА. ҚазАқпарат - Астана-Бішкек рейсімен ұшқан Air Astana әуекомпаниясының ұшағы техникалық ақауға байланысты әуежайға қайтып келді.

«16 маусым күні Астана-Бішкек бағытымен рейс жасаған Эйр Астана әуекомпаниясының Эмбраер-190 әуе кемесі аспанға көтерілгеннен кейін салонның салқындатқыш жүйесі істен шыққан. Экипаж аэродромға қайта оралу туралы шешім қабылдаған», - деп хабарлады ҚР ИДМ ресми өкілі Мұрат Жұманбай.

Оның айтуынша, ұшақ Астана әуежайына сағат 09.36-да қонған.

«Қайта оралудың себебі ұшақтың материалдық-техникалық бөлігіндегі ақауларға байланысты болған, бірақ ол ұшақтың қауіпсіздігін қамтамасыз етуге ешқандай кедергі келтірмеді. Жолаушылар мен экипаж мүшелерінің өміріне қауіп төнген жоқ. Экипаждың әрекеті штаттан тыс жағдайда дұрыс болды», - деді Мұрат Жұманбай.

Қазіргі таңда әуе кемесі осы оқиғаның себебі мен жағдайы анықталғанға дейін Астанадағы әуежайда болады. 

 

 

Басты сөздер: Астана, Оқиға,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер