84 мың павлодарлық шетелге көшіп кеткен
Павлодар облыстық ішкі істер департаменті көші-қон полициясы басқармасының ақпаратына сүйенсек, өңірге қайтып көшіп келгендер саны 5 есе аз. Еліміздің бұл өңірінен көшіп кеткен адамдардың жасы 30-40 шамасында және одан кіші. Ал жасы келген адамдар аз қоныс аударуда.
Облыстық ІІД көші-қон полициясы басқармасы басшысының орынбасары Ермек Сатыбалдиновтың айтуынша, «қоныс аударушылардың көпшілігі қалалық аумақтан: Павлодар, Екібастұз, Ақсудан. Ауылдық жерлерден өте сирек көшеді».
Оның пікірінше, осыған қарамастан иммиграция және эмиграция процесі халық санына еш әсер етпейді: «Бұл - сыртқы көші-қон процесі. Ол әрдайым бола бермек».
Шетелге қоныс тепкен 84 019 адамның 51 432-сі Ресейге көшкен. Былтырғы жылы қоныс аударғандардың 89 пайызы Ресей Федерациясына кеткен.